د اسلامي اقتصاد او بانکدارۍ تخصص له لوري علمي محاضره وړاندې شوه

عبدالله بن مسعود رضي الله عنه جامعه کې د علمي محاضرو په لړ کې د میراث په اړه علمي محاضره وړاندې شوه، چې د جامعې د فاضلانو او علمي چارو مرستیال مفتي روح الله آخندزاده، استادانو، اداري کارکونکو او فاضلانو په کې ګډون کړی و.
په پیل کې د عبدالله بن مسعود رضي الله عنه جامعې د اسلامي اقتصاد او بانکدارۍ تخصص آمر شیخ نورالامین صاحب د یادې محاضرې اهداف، ځانګړتیاوې، اړتیا او اهمیت په اړه معلومات وړاندې کړل. 
نوموړي د ذوی الفروض، عصبات او ذوی الارحام په اړه پوره بحث وکړ او هره برخه کې په هر اړخیزه توګه تشریح کړه.
 په یاده علمي محاضره کې ټولو ګډونوالو په پوره لیوالتیا سره برخه اخیستې وه، چې په پای کې د ګډونوالو پوښتنو ته هم ځوابونه وویل شول.